سيب الشباك <<
المحال <<
اطفي سجايرك <<
فوق البيادر <<
يا برتقان يافا <<
بنت الجبل <<
يا هوا بلادي <<
موال <<
خذني معاك <<
مش ليّه انا <<
يا غزاله <<
سيب القسوة <<
لك عندي إيه <<
ياللي انت نش سائل عنّي <<
فات الأوان <<
قوللي إنك يا حبيبي نستني <<
ياللي بقولوا عليك <<
وكل ما امشي تطول طريقي <<
.
.
أعلى الصفحة
سيب الشباك
إعمَلْ معروف يا حِلو هْناك
إعمَلْ معروف سيب الشّباك
انا مُشْ عايْزكْ تبعدْ عني
دهَ خيالك في القلب بيسعِدْ
والنبي يا جميل تسمعْ مني
وتعرفْ ليه قُلْتِلَّكْ تِبْعِد
شهرين فاضل عالاِمْتحانات
والكتب ما طلّت في عينيّه
عايزَه المجموع عالي الدرجاتْ
علَشان نِفْسي ادْخلْ كلية
طول ما انْتَ هناك .
جنبِ الشباك
إزاّيْ حَنْجَحْ وخيالي معاك
إعمَلْ معروف يا حلو هناك
إعمَلْ معروف سيب الشباك
ليه كلْ ماجي اقلبْ صفحة
ألاقي صورتَك قاعدالي
تغيب وترجعلي افْ لمحة
اعمل معروف سيبني افْ حالي
سيبني أذاكِر والنبي مرّه
سيبني أو وَفِّرْ وقتي وّقتكْ
مشْ حاخذْ طبعاً ولا نِمرْة
سيب الشباك
إعمَلْ معروف يا حِلو هْناك
إعمَلْ معروف سيب الشّباك
انا مُشْ عايْزكْ تبعدْ عني
دهَ خيالك في القلب بيسعِدْ
والنبي يا جميل تسمعْ مني
وتعرفْ ليه قُلْتِلَّكْ تِبْعِد
شهرين فاضل عالاِمْتحانات
والكتب ما طلّت في عينيّه
عايزَه المجموع عالي الدرجاتْ
علَشان نِفْسي ادْخلْ كلية
طول ما انْتَ هناك .
جنبِ الشباك
إزاّيْ حَنْجَحْ وخيالي معاك
إعمَلْ معروف يا حلو هناك
إعمَلْ معروف سيب الشباك
ليه كلْ ماجي اقلبْ صفحة
ألاقي صورتَك قاعدالي
تغيب وترجعلي افْ لمحة
اعمل معروف سيبني افْ حالي
سيبني أذاكِر والنبي مرّه
سيبني أو وَفِّرْ وقتي وّقتكْ
مشْ حاخذْ طبعاً ولا نِمرْة
لو رحتِ رَسَمّتِلْهُمْ صورتَكْ
إعمَلْ معروف يا حِلو هْناك
سِيب الصّفحة وسِيب الشّباك
يوم انجح لكْ عنْدي حَلاوه
نَظْره وبَسْمه ويمكن أسلم
بسْ اوْعى اتزوْدْها شَقاوَة
وِتْخَلّي العالم تتكَلَّم
الدّنيا اليوم عايزَه شهاده
وِمنْ غِيرك راحْ يشهدْ لِيّه
مشْ عايزهَ الحُبّ يصير عاده
زيِّ الأمثالِ الشّعبية
إعمَلْ معروف يا حِلو هْناك
إعملْ معروف سيب الشُّباك
.
.
أعلى الصفحة
المحال
يا حبيبتي ادْعي يِجْمَعْنا الوِصال
خلّي أيّام الهوى دايْماً خَيالْ
لماّ حِسْ إنك بقيت ليَّه بَموتْ
الهوى افْ قلبي ويذوب الجمالْ
أصْلي طولْ عُمْري بَدَوِّر عالمُحالْ
يا حبيبتي انتِ نورتِ الوجودْ
بَسْمِتِكْ بِتْهِلّ من دُنيا الخُلودْ
إنتِ فوقِ الحبّ. يا حبّي الوَحيد
عِيني مشغولة في حُبِّك مِنْ بَعيدْ
يا قَمَرْ اوْعى تْطّولَكْ ايدِ بْشَرْ
خَلّي دايماً طلعِتك ويّا القَدَرْ
لوْ نسيت رُوحَك وجيْت مرّة لْحبيب
مش حَتِقْدَرْ مرّه ثانية تْصيْر قَمَر
خَلّي نورك يا حبيبي في الخيالْ
أصْلي طُول عمري بدوّر عالمُحال
مش بعيد اقْسى عليك واقسى عَنَفْسي
وَِنْسى أجملْ لحن بين هَمْسكْ وهَمْسي
تُصبح الدنيا على العشّاق وِتِمسي
والمراكِبْ بالهوى عَالشطّ تِرْسي
وحْنا مركِبْنا اللّي يِغْرَق وحدُه ليهْ
خايِف انْسى الحب لو اشفَقْ عَليه
لا نموت.. والحب في قلوْبنا يِعيش
مُشْ نعيش طول عمرِنا نبكي عليِه
إوْعى تيجي لمّا قولَّك يوم تَعالْ
أصلي طول عمْري بدوّر عالمُحال
.
.
أعلى الصفحة
اطفي سجايرك
إطْفي سجايْرَكْ
أنا حيرانه آفْ نارْها ونارَك
ليهْ بتفكّر .. ليهْ تتحيّر وَنا قُدامكْ
إطْفي سجايْرَكْ
إطْفي سجايْرَكْ وارْحَم قلبي وْحنِّ عليهْ
إنْتَ بتحرِقْ فيها وهيّه بتحرق فيهْ
صوْرتَك دابَتْ ويّا دموعي جوّه عنيّه
تاهِتْ جُوّه آفْ بحرِ خَيالي
عايزْ اشوفْها وَرَيّحْ بالي
خلّي عينيّه تشوفِ الدّنيا في ابتِسَماتَك
إِطْفي سجايْرك
إطفي سجايْرك باللّه تعال احرِقْني أنا
نارِ الحبّ اللّي جمع بينّا نِبْقى هِنا
رايِح فين يا حبيبي تعال .. تعالَ هِنا
أيوه هنا عِندي يا حياتي
دُنْيا جمالك وابتسَماتي
دُنْيا الحبّ أَنا خايفة عليها من حَرَكاتَك
إطْفي سجايْرَك
وانْتَ معايا تمَلّي السعدِ يِبانْ في عِينيكْ
تِغْرقْ فيّه يا بحر هَوايا واغرقْ فيك
هَمْسِ عينيك بيِدَفّي عينيه وبيدَفّيك
ولما سَجايْرَكْ تلقى شَفايْفَك تِنْسى وُجودي
يالله اطفيها كده وْرَيّحْني يا مَعْبودي
وآدي شَفايَفكْ تِطفي لهيبَك. وآدي خْدودي
إِطفي سجايرَك
.
.
أعلى الصفحة
فوق البيادر
فوقِ البيادِرْ لَقيتُه … لَقيتْ حَبيبي
ووليفي الّي انا اتْمنّيته….. أصبحْ نَصيبي
لَجْلكْ لجْلِ القلبِ الصافي
لَجْلِ عيونك جِيتْ
داعِسْ فوقْ الشّوكْ وَنا حافي
حافي وما حَسِّيت
والْبُلْبُل يغنّي معانا
والبدرِ اللّي عاش يِرْعانا
والرّملِ اللّي صان أَسرارْنا
نِحْكِيلُه الهوى وينْسانا
وقَلْبي الصّابر يسمعْ بشايِرْ
من قلبِ حبيبي فوق البيادرْ
يا غايبْ عني طمّني وابْعتْلي مكتوبْ
قَلْبي لما بْتِبْعِدْ عنىِ يِبْكي عَالْمحبوبْ
سامِعْ صُوتَك وانْتَ ابْعيد
شايِفْ صورْتَك وانت وحيدْ
حَواليِك الريح بْتِتْبَسَّمْ
صوتُهُ يْرتِّل أحْلى نَشيدْ
وبهمْسِةْ ساحرْ وِبْقُدْرةْ قادِرْ
رايحِين نِتْلاقى فوق البَيادرْ
فوقْ البيادرْ
.
.
أعلى الصفحة
يا برتقان يافا
يا بُرْتُقان يافا ….. يا غَلاوْتَكْ
يا لُقْمةْ كْنافة ….. يا حَلاوْتَكْ
زيّ الذّهب أصفر وِجَميلْ
ومَيْتّك دَوا كلّ عليلْ
الدّنْيا ترقص مِنْ حواليكْ
والنِّسْمة تتبسمْ وِتْميلْ
يا بُرْتُقان يافا
بُكْره نِتْلاقى ….. جوّه بيّاره
رُوحي مشتاقه ….. عيني مِحْتاره
مهما طال بُعْدَكْ ….. إنتَ فْي خْيالي
ما في شِي بَعْدَكْ ….. ييجي على بَالي
يا بُرْتقان يافا
أبويا بِدْموعُه وْبِدمُّه كان يرويكْ
وخويا بِشْموعُه وْبقَلْبُه كان يِضْويك
واللّي سرَقوك من ايدينا واللّي طَفوك من عِينينا
راحْ يِشوفُونا لمّا نِتْلاقى جّوه بيّاره قّوه جبّاره
راحْ يِشوفونا
يا بُرتقان يافا
.
.
أعلى الصفحة
بنت الجبل
لسَّه الأوان ما فاتْ يا بِنْتِ الجبلْ
حارِ الزّمان ومالْ في قَلْبي الأملْ
هاتي معاكي الشّوق باللّه والحقي
الصّبر في قَلْبي بَعْدِكْ ما بقي
زَيْتوننا بِيموجْ بِطْيورِ السّما
في الغَرب بيِجو يْزَقزِقو والمشرقِ
فوق الجبل انغام ما في مثلها
شَمسِ عروسِه والقَمر يِلْبَقْ لَها
لوْ خانِتهُ يا حيف تبْقى تْبهْدِلِتْ
ما عاشْ يا ابن الحب مِنْ يشفْع لها
يوم الفَجِرْ ما يْبان يطْلعْلي الأَملْ
لسّه الأوان ما فات يا بنت الجبلْ
مالتْ على الزّمان تقطُفْ حبّتين
ذابِ الثّمر في ايدها زيّ الحَزين
باللّه يا بنتِ الجبلْ تِتْعطَّفي
دَمْعِ الثّمر بيِسيلْ ويزيدْ الأنينْ
يا طالْعَة فوقِ السَّحاب اتْبسِّمي
رُدّي العَبايه هلّلي واتْرَنَّمي
أنا جاي لِيكي حامِلْ افْ قَلْبي الهَوى
خَايفْ تخلّيني أقاسي وْتحْرِمي
في عيونّنا أنْغام يِرْسِمْها الأملْ
لسّه الأوان ما فاتْ يا بِنْتِ الجَبلْ
.
.
أعلى الصفحة
يا هوا بلادي
يا هَوا بْلادي… يا طِير بِنادي
يا نَسمَه مَرِّتْ… مِنْ فوقِ الوادي
جايْ من الجنِّه … صوتَك بيلالي
من بُعدَك عنّى … شوفْ ايِه جَرالي
خليّك يا هوا… دايْماً في قَلْبي
خَلّينا سوا … دَرْبك معْ دَرْبي
فوقِ الرُّمانه … لَرْسُمْلَكْ صُورةْ
تِبْقى أمانِه … افْ قَلْبي مَحفورَة
.
.
أعلى الصفحة
موال
يا بْلادي دايماً هَواكي جَنِّةِ الرّضوانْ
تُنشر عَلينا الهَنا والرّقّه والألحانْ
والفَقْرِ يصْبَحْ غِنى. والظُّلْم مالُه مكانْ
والخوفْ ونِسمة هوا يصبحْ أمان وأمان
خلّيني أحكيلك قصّة هوايا
خلّيني أشكيلك سُهدي وأسايا
إرحم يا هَوا قَلْبي اللّي حَبّكْ
مِين اللّي رَمى قَلْبي مَعْ قَلْبَكْ
عَايِزْ تِنْسان … حرامْ يا رُوحي
بُعْدَك ضَناني وْزّوّدْلي اجروحي
هَاتِ الحبايِبْ يا هَوا بْلادي
والبَدْرِ الغَايِبْ نورَّ فُؤادي
يا هَوا بْلادي يا طِير بِنادي
يانِسْمه مرّت مِنْ فُوقِ الوادي
.
.
أعلى الصفحة
خذني معاك
خُذْني معاك عَ روبين يا حبيبي
خُذْني معاك عَ روبين
قَلْبي لِرَمْلهُ الحِلو يا رُوحي
مَليانْ شوق وَحنين
خُذْني مَعاك
فاكِرْ أَوّل يوم مالِقيتَك
بتغنّي على نَبْعِ الميّه
والنّاعورة بْتُرْقُص جَنْبَك
والبُلبلْ أنغامُه شَجِّية
والنّاس اللّي سِمْعو غِناك
شافوني وَنا قَلْبي مَعاك
قالو لأمي اني بحبّك
يا للّي طوتني في بَحْرِ هَواك
خُذْني معاك
يا نهرِ الغَرام اسقينا
من عَطْفَك وحنِّ علينا
وارحَمْنا وخذْ بايدينا
يا ساحِرْ يا نهرِ روبين
على شَطَّكْ وفوق ارْمالَكْ
محبوبي وانا جيّالكْ
والشّوق الى جَمَعْنالكْ
بِنْزيدُه سنين وِسْنين
يا حَبيبي سَحَرني هواك
هنّاني الهَوى وهَنّاك
خُذْني معاك
أنْغامَك دايْماً تِترَنَّم
وِشَفايْفَكْ دايماً والنَّايْ
وتاريخك دايماً يتبسَّم
يِعْزِفْ لَحنِ الحبِّ معايْ
هات روحك وياللّه نْغَنّي
خَليّني معاك مِتْهَنّي
ورّيني الأمل وَصَّلْني
للشطِّ اللّي غايب عنّي
خُذْني معاكْ
.
.
أعلى الصفحة
مش ليَّه انا
الكلام الحلو والآهات لمينْ
والدُّموع والسُّهْد والشُّوق والحَنينْ
والسّلام . والابتسام .. حتّى الخِصام
مش لِيَّه انا
ما كنش لِيَّه هواك … ضيَّعْتِ عُمْري معاكْ
مَشيت بقالي سْنين … وَراك ماطلت هَواكْ
كانِ لِيَّه إيه مِنْ حُبُّك غير النَّدَمْ
كانْ جَاني ايهْ من قُربَكْ غير الأَلم
حَرْجَعْ لوحدي أَمْشي افْ طريق حَيْران
في سِجْن بَعدي أجري وَرا النِّسيان
مكنش لِيَّه هَواكْ
كانِتْ لِمين همسات الحبّ تبني المُنى
كانِت لمين دقّات القلب … مش لِيّه أنا
الكلامِ الحلو وِالآهات لمينْ
والدّموع والسّهد والشوق والحنينْ
والسّلام. والابتسام حتى الخصامْ
مش لِيَّه انا
عمرَك ما يوم حبيّتني … ولا كنتِ يوم على بالَك
حرامْ عليك خَلِّتْني …حَطَّمتِ قلبي عَشَانَكْ
مَقُلْتِليشْ مِ الأول لِيهْ انَّك لِغيري
مَسِبْتِنيشْ اتْطَّمن لِيه على مَصيري
بعدِ ما دابِتْ عينيَّه وارتَوتْ منّي الأسِيَّه
جِيت تقولْ انّه حُبك
يا حياتي مَكَنْشِ لِيَّه
الكلامِ الحلوِ والآهات لمين
والدّموع والسّهد والشّوق والحنين
والسّلام .. والابتسام. حتى الخصام مش ليَّه انا
حبّك طريقهُ مرسومه جوّه دْموعي
متنوِرّه طول عمرَها شْموعي
كتبْتِ على قلبي .. قصْة حبيبي
بحروفْ من نارْ
يِمْكِنْ حَتِرْويها الأيام ويّا الأخبار
بسمِتَكْ .. نظرِتَكْ والاهْ
دمْعِتَك همسِتَكْ آه آه
كلّ دَهْ مشْ لِيَّه انا
حَرام .. حَرام .. حَرام واللّه
حَرام واللّه اعيش في الجنَّه
وِفْ لحظهَ تصبَحْ نارْ
بعدِ الفؤاد ما اتْهنّى
حَيْعيش وَحيدْ يِحْتارْ
والكلام الحلو والآهات لمينْ
والدّموع والسّهد. والشّوق والحنينْ
والسّلام. والابتسام حتى الخصامْ
مش لِيَّه انا
.
.
أعلى الصفحة
يا غزاله
يا غزالهْ بِترْعي الغِزْلان
والنّاي السَّاحر حَلمْانْ
تُرقُصْ في ايديكِ الألحانْ
والطّير العاشق وَلْهانْ
يِلْقى وليفُه في أيِّ مكانْ
يا غزاله عْيونِك بِتْلالي
وأَلحْانَكْ بِتْصَحّي خَيالي
وِحَبيبي اسْتَنيّتُه بَقالي
دهرِ طويل أَبْكيه ولا جَالي
إمْتى اْلاقيه وِاْفْ أَيّ مَكانْ
أَلحانَكْ هاجَتْ ذِكْراي
وِشَفايْفك بتبوسها النّاي
فِينْ محبوبي يعيش وَيّايَ
تِسْكَرْ روُحُه في خَمْرِ هَواي
امْتى اْلاقِية وِفْ أيّ مكانْ
أنا عايش في خَيالي معاه
وفؤادي مَليانْ بهواه
يا غزاله لِيهْ تْقولي آه
إنْتِ وِليفِكْ مشْ لَقْياه
راحْ ولا جاشْ بقالُه زَمانْ
يااللّه اندوِّر على أَحْلامْنا
ليالينا نِقْضي وأَيامنا
خلّي البَسْمة تودِّي كَلامْنا
وارواحنا لِقْلوبِ احْبابنا
فِين نِلاقيهم . فيِن يا زَمانْ
.
.
أعلى الصفحة
سيب القسوه
إيه خبيّت في عيونَكْ لِيه
لِيه جْفونَكْ تِقْسى عليِهْ
خلّي عينيك تِضْحَكْ لِعنِيهْ
وقَلْبَكْ يِمنَحْ قلبي سَلامْ
سَيبِ القَسْوَة يا رُوحي .. حَرام
قَلْبي تْدِلِّ عليه دَقَّاتُه
يوم ما تحنِّ عليهِ بيزيدْ
والبُلبل غنّى بنغماته
كاسِ الحبّ بِلَحْنِ سَعيدْ
والحبّ اللّي زَرَع جْنانُه
في اقْلوبنا يِبْدا منْ جْديدْ
ولمّا بْتِقْسى .. عليه وْبِتِنْسى
حبّي وْتحْرِمْ قَلبي ينامْ
بَرْضُه حَحِبَّكْ وأفضَلْ أقولَّكْ
سيب القَسْوة يا روحي حرامْ
سيب القَسْوة
سيب القَسْوة وحنِّ عَليَّهَ
وخَلّي ربيعِ الحبّ يْطولْ
خلّي النّاس اللّي اشْتَفو فِيهْ
يِحْسِدوا قَلْبي لمّا يْنولْ
حبّك آه محلى الحِنيَّة
خلّت دقَّاتِ قلبي تْقولْ
إنتَ الجنَّة اللّي انا بَتْمنَّى
يا سلامْ على قُرْبَكْ يا سَلامْ
وَّيا البَسْمهَ تْطلِّ النَّسمهَ
سيب القَسْوة يا رُوحي حَرامْ
سيبِ القَسْوة
قَلْبي جْروحُه تِبْكي طبيبي
حَفْضَلْ عايش بسّ عَشانَكْ
مَهْما حَتِقْسَ عَليه يا حبيبي
مُشْ حَيْرِدِّدْ غِيرْ ألحانَكْ
أَيام بُعْدَكْ تِمْحي ذْنوبي
وَنا قَلْبي مُشْ عايِز يْنامْ
عايِزْ أقولَّك إني بَحبَّك
سيبِ القَسْوة يا رُوحي حَرامْ
سيبِ القَسْوَة
.
.
أعلى الصفحة
لك عندي ايه
لكْ عندي إيهْ إبْعِدْ عنّي
حَتْقولّي إيِهْ وِتْعَذِّبْني
تظْلِمْني لِيهْ تشعِلْني لِيهْ
مشْ ممكِن اترجَّاك تاني
بعد اللّي كان بعد الحِرْمان
أنا اللّي عايْزه إنَّك تِنْساني
مَتْجيِش في يوم تِسْأَل عنّي
لَكْ عِنْدي إيه ابعدْ عَنّي
النجم باح لِيَّه ابْسِرُّه
والحبّ راح منّك سِحْرُه
وَنا اللّي وَحْدي. ودَّعتِ سُهْدي
وياما مِنَّك شُفْتِ الويلْ
اسهَرْ لِوَحْدك فكِّر في سُهْدَك
اسْهَر وفَكِّر طولِ اللّيلْ
مَتْجيش في يوم تَسْأَل عنّي
لكْ عندي ايه إبعدْ عنّي
أنا دَمْعي غالي معدتِّش أبكي
وقلبي خالي مَعَدْشِ يِشْكي
انتَ اللّي تشْكي وانْت اللّي تِبْكي
رخص دْموعَك وتترجَّاني
مَعَدْشِ حُبّي يِشْغِلّي قَلْبي
وانا اللّي عايِزْ انّك تِنْساني
مَتْجيشْ في يُوم تِسْأَل عَنّي
لَكْ عندي ايِهْ ابعدْ عَنّي
.
.
أعلى الصفحة
يا اللي انت مش سائل عني
يا اللّي انْتَ مُشْ سائِل عنّي
حَرام عَليك طاوِعْ قلبَكْ
لوْ كُنت حتّى حَتُهْجُرْني
كْفايَه عنْدي انّي بَحِبَّكْ
إِنتَ المنى إِنتَ الأَشواقْ
إِنْتَ اللّي يتمناه قَلْبي
تمر عنّي ونا مُشْتاق … ونظرِتَكْ تشْغِلْ حُبّي
ساعة تكونْ ظالِم لِيَّهْ … وساعة تْكون راضي عَلَيَّه
لا مُشْ كِدَه يا حبيبِ الرّوح …تظلم وتتحكّم فِيّه
البَسْمة تِطْلَع مِنْ قَلْبك …. والنّظرة تكشِفْ عن حُبّك
يا اللّي انْتَ مشْ سائِل عنّي … حرام عليك طاوِع قَلْبَكْ
تُظْلُمْشِ لماّ تكون قادِرْ … الرّحمة أحْسَنْ مِ القَسْوه
لماّ انت تظلمْني يا غَادِرْ … يِشْمَتْ في قلبي اللّى ما يِسْوى
إفْرَحْ وفَرّحْ قلْبي مَعاك … وارْحَم فُؤادي اللّي بيهْواك
في القلبِ انْتَ وْفِي الوِجْدان … مَهْما نسِيتني مُشْ حَنّساكْ
لا الدّنيا تِبْعِدْني عنَّك … دايماً حَتِلْقاني إِفْ قُرْبَكْ
يا اللّي انتَ مُشْ سائل عَنّي … حَرام عَليك طاوِعْ قَلْبَكْ
في ظلّ بسمِتَك الحُلوه … فَرْحِةْ حَياتي أَلا قيها
مِنْ غيرَك الدُّنيا ما تِسْوى … والنّور ظلام يصبَحْ فيها
البَسْمة بتلمِّ جْروحي … والنّظرة بتعطّل نُوحي
لما انّي اشوفَكْ يومْ فَرْحانْ … بردّ لي فَرَحَكْ رُوحي
وِيْعيدْلي أَيامي اِفْ قُرْبَكْ … لحظات حياتي وَنا جَنْبَكْ
يا اللّي انْتَ مُشْ سائِل عَنّي … حَرام عليك طاوِعْ قَلْبَكْ
.
.
أعلى الصفحة
فات الاوان
فَات الأوان وِرْجِعْتِ ليهْ تُطْلبْ رِضايْ
وِحَياتي قَلْبَكْ مُشْ مَعاي
خَلاص نِسيتَكْ وبَلاش طيفَكْ اللّي افْ خَيالي
ولامْتى تِشْكي حبّك وِتِبْكي وَنا قَلبْي خَالي
هَجْرت حِبّي وعَذّبتِ قلبي وْدَمْعي هَانْ
فاتِ الأوان
رْجِعْتِ لِيهْ بعد ما قلبي وَدّع قَلْبَكْ
عَهْدَك دَه إيهْ … إنْتَ الخايِنْ .. خايِنْ عَهْدكْ
فاكِرْني حَصْبُرْ واستنَّى يِرْجَع ودّكْ
عايِزْني قْلبَك أخلِصْ لُه حتّى خَانْ
يِرْجَعْلي إمْتى ما يَتْغَطّى بثوبِ الحِرْمانْ
فاتِ الأوانْ
لْبِسْتِ الشَوق على رُوحي وشُوكِ البُعْد يِجْرَحْني
وقُلْت انساكْ وَدَوِّر لي على سَلْوى تريّحْني
نْسيتَك بعد ما اتعذّبت والدّنيا خَدِتْ قلبي
ولمّا ارْجِعْتِ لي تاني تْصونْ ودّي وتِرْعاني
لِقيت إنكْ غَريب عنّي وحبَّك مات بَقالُهُ زمانْ
وقلبك لهُ سنين أصون عهدهُ على الهِجْرانْ
فاتِ الأوان
.
.
أعلى الصفحة
قوللي انك يا حبيبي نسيتني
قولّلي انّك يا حبيبي نْسِيتْني
خَلّيني للذّكرى أعيشْ
إنْتَ الأمل اللّي شَغْل قلبي … وكان غيرِكْ في القَلْبِ ما فِيشْ
يا اللّيِ هَويتَكْ غَصْبِنْعَنّي … يوم ما لقِيتَكْ كانْ يومْ عيدْ
لِيهْ كان حَظّي تِبعدْ عَنّي … واشربْ كأسِ الحبِّ وَحيد
لِيهْ يا زماني فْ بَحْرِ أماني … تِرْضالي سُهْدي وحِرْماني
لِيهْ اتعذِّب وَحْدي وأَشكي … لِيهْ يا حبيبي انْتَ مَتِشْكيشْ
قوللّي انّك يا حبيبي انْسِيتني
إنتَ الأمل اللّي اتْمنّيتُه … واللّي امْشِيتْلُهُ ايامْ وسِنين
واللّي جَنيتُه لمّا لِقيتُه … سهد وحِيره وشُوق وحَنينْ
بحرِ خَيالي فيه موجْ عالي
يِحْرِقْ قلبي وْيِشْغِلْ بالي
طيفَكْ عايِمْ. في ادْموع عِيني … وقَلْبَكْ لسّهَ ما يرحْمنيِش
قولّلي انّك يا حبيبي انْسِيتْني
لوكنتِ عَشان حبَّك حَنْسى … بَهْجِةْ روحي وْعُمرِ شَبابي
مشْ حَتِنْدَمْ ولا يوم حقي … ولا غير طيفك حَيْفوتْ بابي
حَطْوي جْروحي وَبَطّل نوحي … ويّا الذِّكرْى أَهيم مَعْ رُوحي
وانْ جيتْ يومْ تِسْأَل عنّي
إِسأَلْ غيري ما تِسْأَلْنيش
قولّلي انَّك يا حَبيبي نْسِيتْني
.
.
أعلى الصفحة
يا اللي بقولوا عليك
يا الّلي بِيقولوا عليك حبّيتْني … وطولِ الليلِ بتفكّرْ فِيَّه
لِيهْ حبيتّنْي انْتَ وخَلِّتْني … يْفارِقْ طيف الحبّ عِنَيَّه
كِلْمةْ أَحبَّكْ تِمْلا خَيالي … يا اسمعها منّك يا بلاشْ
لِيهْ اْلنّاس اللّي بقولوا هَالي … لِيهْ من قْلبَكْ ما اسَمعْهاشْ
قالوا هواي افْ قلْبَكْ نارْ … بِتْشَعْلَلْ وغَرامي لَهيبْ
ليلَكْ تِسْهَر فيه مِحْتار … مَتْفَكِّرْش افْ غيري حَبيبْ
يا اللّي بِيقولوا عليك حَبّيتْني
فاتِتْ مِنْ عُمْرِنا أيام … بِمْلا قْلوبْنا خَيال أمانينا
تُرقُصْ في عِينينا الأَحْلام … ايْه كان يِجْري لو اتْهْنيّنا
كانْ في ايديك لوقلتِ بحبَّك … كانْ مَحَصَلْشِ انّا اتْعذّبْنا
ولا كانْ قَلْبي في يوم نِسي قَلْبَكْ … ولا في دْموعِ البُعْدِ غْرِقْنا
يااللّي بِيقولوا عليك حبّيتْني
يا اللّه نعمِّر عُشِّ هَوانا … يااللّه نْضَيَّعْ عمرِنا فِيهْ
يا اللّه انْصَحّي الليل ويّانا … خلّي الحبّ يْعيد ليالِيه
كلّ حياتْنا حَتْكون جنّه … ويّا اقْلوبنا نعيش في الحْب
لا نِستنّى ولا نتمنّى … ولا نعرفْشِ عذابِ القَلْب
يا اللّي بيقولوا عليك حبّيتنْي
.
.
أعلى الصفحة
وكل ما امشي تطول طريقي
طَريقي طَويل …. مَلوشْ نْهاية
وقَلْبي عَليل …. وفين دَوايا
عذابْ جْروحي … يِسيب خِيالي
تايِهْ في رُوحي .. فِين الْقى حالي
وكل ما امْشي تْطولْ طريقي
دِهْ بَسْمَه دِيّه … ولاّ عذابْ
دِهْ مَيّه دِيّه … وَلاّ سَرابْ
دَهْ حلمِ قاسي … يِزيدْ عَذابي
خلاّني ناسي … طريق شبابي
يموت رَبيعي … وتزيدْ جْروحي
تْفيضْ دموعي … وْتِبْكي روحي
وكلّ ما امش تْطول طريقي
قَضّيت حَياتي … في نار أَسايا
فِينْ ذِكْرَياتي … تْعيش مَعايا
على قبر حبّي … زَرَعْتِ ورده
وِجَرْحِ قَلْبي … مَعَدْش يِهْدا
مَشيت بَقالي … سِنين طَويله
مَشيت وِمالي … في الدّنيا حِيلَه
وكلّ ما امْشي تِطولْ طَريقي
الدّنيا مالِت …. عَلَيَّه لِيهْ
و الجنّه زالِتْ … آخْرِتْها اِيهْ
كِرِهْتِ حتّى … روحِ الزّمانْ
حَفْضَل لإمْتى مَلْقاش حَنانْ
عليل يا قلبي ….. وِتْصَحّي لِيلي
بلاشْ ياربّي … أغْرَقْ في وِيلي
وكلّ ما امْشي تِطول طَريقي